شباب وبنات
زائرنا الكريم انت لم تسجل بعد يرجى التسجيل
شباب وبنات
Would you like to react to this message? Create an account in a few clicks or log in to continue.

قصة مضحكة جداً

Go down

قصة مضحكة جداً Empty قصة مضحكة جداً

Post  DeviL 4 EveR on Wed Dec 23, 2009 2:14 pm

كان يا ما كان في قديم الزمان، ملك عنده ثلاث بنات.
حب في يوم من الايام انه يختبر حبهم اله. جاب الكبيرة وقالها : يابا يا حبيبتي قديش بتحبي ابوك الملك .

البنت من غير تفكير : بحبك قد ما السمك بحب البحر .

الملك فكر وقال في باله : ايهو السمك بقدر يعيش بدون بحر . هاي البنت بتحبني كتير . وقال الها : انا كنت عارف انك بتحبيني بس مش لهدرجة . وقام اعطاها قصر كبير ومجوهرات .


جاب البنت التانية وسألها نفس السؤال . فقالتله : بحبك قد ما الطير بحب السما . انبسط الزلمة وكيف . واعطاها قصر جنب اختها ومجوهرات

بعدين جاب البنت الصغيرة ( اخر العنقود اللي بموت فيها ) وسألها نفس السؤال . قامت جاوبته : بحبك قد ما الدقة ( يعني زعتر ) بتحب الشطة

الزلمة زعل وعصب وقام لفحها كف. ومسكها من شعرها وزتها برة القصر. وما رضي يسمع منها ولا نص كلمة. البنت دارت بالحواري وعلى ارصفة الطرقات وتسمع كلمة من هاد وكلمتين من هداك . لغاية ماجاها مزارع مسكين حبها وحبته وراحوا تزوجوا و سكنوا بالكوخ تبعه اللي بنص الغابة .


ودارت الايام ومرت الايام . وفي يوم من الايام كان الملك قاعد بتصيد بالغابة ونسي حاله وسرح وضاع بالغابة. دور على المرافقين . ولا هم هون . طب الحرس . فص ملح وداب .؟؟؟؟؟؟؟؟ . ضل الملك يمشي ويمشي لغاية ما لقي هالكوخ لصغير . قالبفوت برتاح وباكلي لقمة . دق على الباب فتحلوا صاحب البيت وهو مش عارفه . دخلوا جوا وهو شايفه تعبان . وصار يحكي مع الزلمة...

مرته مش خافي عليها الصوت ........ قام الزلمة بيقول للمرة اذبحيلنا جاجتين خلينا نتعشى ونعشي الضيف . المرة مين طبعا ؟؟؟؟؟؟؟؟؟ واضحة بنت الملك المقصوفة الصغيرة

بدت تشتغل بالجاجات وخطر على بالها فكرة . نادت جوزها وقالتله خود شوية الدقة ( يعني زعتر ) هاي مع صحن زيت سلكو فيهم على بين ما يخلص الاكل شكله الزلمة ميت جوع . والله الزلمة عجبته الفكرة وقام حط الزيت والدقة قدام الملك وقاله : اتفضل يا عمي على بين ما يجهز الاكل . الملك ميت جوع وهو بحب الدقة ( كمان يعني زعتر ) كتير . ما بلع اول لقمة ولا صار بده يستفرغ . وصاح بالزلمة : ولك شو هاد دقة من غير شطة ؟؟؟ كيف بتاكلوها هاي ؟؟؟؟ خخخخخخخ (هاي ضحكه صفرا) ؟؟؟؟؟



وفجأة اتذكر بنته الصغيرة وصار يعيط زي الهبايل . قاله الزلمة :. شو مالك يا زلمة

انت العاقل . كل هاد مشان شوية دقة ( زعتر يا جماعة ) هسة الجاج بخلص . قلعطتني ( هاي ما بدها شرح ) . شو. راح الملك حكى للزلمة القصة . وهو خلص من هون نطت البنت وقالت : بخ كيفك بابا ؟ عرفت اديش بحبك يا فالح . ؟؟؟؟؟؟؟



وهيك عرف الملك قديش بتحبه بنته . وجابتله دقة بشطة . طبعا ما اكل منها ولا لقمة لانه نزل بالجاج جرد


واعطاها قصرين ومجوهرات و سوبر ماركت و كروز دخان وشغل جوزها ضريب مواس عنده

وتوته توته خلصت الحدوتة....
DeviL 4 EveR
DeviL 4 EveR

Posts : 113
Join date : 2009-12-12
Age : 27
Location : Damascus

Back to top Go down

قصة مضحكة جداً Empty Re: قصة مضحكة جداً

Post  ???? on Thu Dec 24, 2009 1:09 am

هههههههههههههههههههههه حلوة كتير بس انا ما فهمت ليش الاب عطا بنتو كروز دخان هههههههههه يسلمووووووووووو

????
Guest


Back to top Go down

قصة مضحكة جداً Empty Re: قصة مضحكة جداً

Post  DeviL 4 EveR on Fri Jan 01, 2010 12:18 am

لودي الامورة wrote:هههههههههههههههههههههه حلوة كتير بس انا ما فهمت ليش الاب عطا بنتو كروز دخان هههههههههه يسلمووووووووووو
لانو بتكون محششة بتدخن اكيد وشكراً على مرورك... Laughing
DeviL 4 EveR
DeviL 4 EveR

Posts : 113
Join date : 2009-12-12
Age : 27
Location : Damascus

Back to top Go down

قصة مضحكة جداً Empty Re: قصة مضحكة جداً

Post  ملكة الغرام on Sun Jan 10, 2010 12:10 am

انا بعرف القصة الأصلية تبعا مو التأفيل Smile
ملكة الغرام
ملكة الغرام
مالك المنتدى
مالك المنتدى

Posts : 168
Join date : 2009-12-11
Age : 30
Location : بدك تسئل أبي وين ساكن بكون معو

https://a7labnat.forummaroc.net

Back to top Go down

Back to top


 
Permissions in this forum:
You cannot reply to topics in this forum